ڕۆژا سێشەمبی ڕێــککــەفتی (٢٠٢٤/١١/٢٦) ب چاڤدێریا ڕێزدار (گوهدار شێخۆ) سەرپەرشتێ ئیدارا سەربەخۆیا زاخۆ و ب ئامادەبوونا بەرێز (پ.د. ناظم سليمان عبدالعزيز) سەرۆکێ زانکۆیێ و لگەلدا جڤاتا زانکۆیێ و مامۆستا، فەرمانبەر، قوتابیان، هەروەسا کەسانێن ژ بیاڤێن جودا جودا یێن کەرتێن گشتی و تایبەت و هژمارەکا مێهڤانێن بها گران، زانکۆیا زاخۆ ب هەماهەنگی لگەل ڕێڤەبەریا توندوتیژیا دژی ئافرەت و خێزانێ و چەندین ڕێکخراوێن نەحکومی ڕابوون ب ساخکرنا چالاکیا (١٦)ـە ڕۆژێن بەرهنگاریبوونا توندوتیژیێ دژی ئافرەتان.
چالاکی ب ڤەكرنا پيشانگەهەکا وێنەیان هاتە دەستپێکرن، پاشى ب نمايشكرنا كورته فلمەکێ دەربارەى توندوتیژیێ دژى ئافرەتێ بەردەوامبوو پاشان پەنەلەک ژلایێ بەرێزێن ل خارێ دیارکری هاتە پێشکێشکرن:
١- غیاث احمد (مامۆستایێ ئاینی).
٢- رائید محمد عگید (بەرپرسێ ڕاگەهاندنا ڕێڤەبەریا بەرهنگاریبوونا توندوتیژیێ دژی ئافرەت و خێزانێ ل زاخۆ).
٣- د. نزار عصمت علي (دەروونناس).
٤- د. خالدة جمال محي الدين (پسپۆرا پزیشکی یا جڤاکی).
د ڕوینشتنەکێ دا؛ چەندین بابەتێن (ئاینی، یاسایی، دەروونی، ساخلەمی) یێن گرێدایی توندوتیژیێ دژی ئافرەت و خێزانێ ب درێژی بۆ ئامادەبوویان هاتنە بەحسکرن و گەنگەشەیێن زانستی لسەر هاتنە کرن.